social media chat: ‘ചാറ്റിങ് ഇഷ്ടപ്പെട്ടില്ല’; ഭാര്യയുടെ ഫേസ്ബുക്ക് സുഹൃത്തിനെ ഭർത്താവ് കൊലപ്പെടുത്തി – pune man friend arrested over his wife s social media friends family complaint

Share
പൂനെ: ഫേസ്ബുക്കിൽ ചാറ്റ് അമിതമാകുന്നതിൽ അസ്വസ്ഥനായ ഭർത്താവ് ഭാര്യയുടെ ഫേസ്ബുക്ക് സുഹൃത്തിനെ കൊലപ്പെടുത്തി. പൂനെ ഔന്ദ് ഹോസ്പിറ്റൽ പരിസരത്ത് ഇക്കഴിഞ്ഞ ഞായറാഴ്ചയാണ് ക്രൂര സംഭവം അരങ്ങേറിയത്. സഞ്ജയ് നഗർ സ്വദേശിയായ സൗരഭ് വ്യങ്കട്ട് ജാദവ് എന്ന യുവാവാണ് കൊലപ്പെട്ടത്. ഒരു പ്രൈവറ്റ് ഓട്ടോമൊബൈൽ സ്പെയർ പാർട്സ് ഷോപ്പിലെ ഡെലിവറി എക്സിക്യൂട്ടീവാണ് ഇദ്ദേഹം.

ഭാര്യ മറ്റൊരാളുമായി സോഷ്യൽ മീഡിയയിലൂടെ സംസാരിക്കുന്നതിൽ അസ്വസ്ഥനായാണ് പ്രതി കൃത്യം ചെയ്തതെന്നാണ് ടൈംസ് നൗ റിപ്പോർട്ട് ചെയ്യുന്നത്. സുഹൃത്തിന്‍റെ സഹായത്തോടെയാണ് അജയ് ഷെയ്ഖ് ഞായറാഴ്ച ഉച്ചയോടെ കൃത്യം നടത്തിയത്. കൊലപാതകവുമായി ബന്ധപ്പെട്ട് യുവതിയുടെ ഭർത്താവ് അജയ് ഷെയ്ഖ്, സുഹൃത്ത് സോണ്യ ബരാതെ എന്നിവർ അറസ്റ്റിലായിട്ടുണ്ട്.

Also Read: വാക്കുതർക്കത്തിനിടെ കാമുകനെ ബെൽറ്റുകൊണ്ട് അടിച്ചു കൊന്നു; കാമുകിയും സഹോദരനും അറസ്റ്റിൽ

കൊല്ലപ്പെട്ട സൗരഭിന്‍റെ സഹോദരൻ പരാതിയുമായി രംഗത്തെത്തിയതോടെയാണ് കൊലപാതക വാർത്ത പുറത്തറിയുന്നത്. കൊല്ലപ്പെട്ടയാളും പ്രതിയുടെ ഭാര്യയും ഇവരുടെ വിവാഹത്തിന് മുന്നേ തന്നെ പരിചയത്തിലായിരുന്നു. ഫേസ്ബുക്കിലൂടെ പതിവായി ചാറ്റ് ചെയ്യാറുണ്ടെങ്കിലും ഇരുവരും ഇതുവരെയും നേരിൽ കണ്ടിട്ടില്ലെന്നാണ് ഹിന്ദുസ്ഥാൻ ടൈംസ് റിപ്പോർട്ട് ചെയ്യുന്നത്.

Also Read : സഹോദരനെ കൊലപ്പെടുത്തി; അസുഖം മൂലം മരണമെന്ന് വരുത്തി തീർക്കാൻ ശ്രമം; പ്രതി പിടിയിൽ

ഭാര്യ സൗരഭുമായി സംസാരിക്കുന്നത് അറിഞ്ഞതുമുതൽ ഷെയ്ഖ് അസ്വസ്ഥനായിരുന്നു. സുഹൃത്ത് ബരാതെയ്ക്കൊപ്പം യുവാവിനെ കാണാനെത്തിയ ഇയാൾ മൂർച്ചയേറിയ ആയുധം കൊണ്ടാണ് ഇദ്ദേഹത്തെ ആക്രമിച്ചത്. കഴുത്തിനും കൈയ്ക്കും പരിക്കേറ്റ ഇയാൾ ഞായറാഴ്ച തന്നെ മരിക്കുകയും ചെയ്തു. പിന്നീട് യുവാവിന്‍റെ സഹോദരൻ നൽകിയ പരാതിയുടെ അടിസ്ഥാനത്തിലാണ് പോലീസ് പ്രതികളെ പിടികൂടിയത്.

malayalam.samayam.com

അനശ്വരയ്ക്ക് പിന്തുണ ‘ആങ്ങളമാര്‍ക്ക്’ കാലുകള്‍

Leave a Reply

Your email address will not be published. Required fields are marked *