National Crime Records Bureau: ‘420 കുട്ടികൾ പീഡിപ്പിക്കപ്പെട്ടു, ലഭിച്ചത് 13,244 പരാതികൾ’; കഴിഞ്ഞ 6 മാസത്തെ കണക്കുകൾ പുറത്തുവിട്ട് സ്‌മൃതി ഇറാനി – union minister smriti irani reply in rajya sabha for child abuse cases in india

Share
ന്യൂഡൽഹി: കഴിഞ്ഞ ആറ് മാസത്തിനുള്ളിൽ രാജ്യത്ത് 420 കുട്ടികൾ ലൈംഗികമായി ദുരുപയോഗം ചെയ്യപ്പെട്ടതായി കേന്ദ്ര വനിതാ ശിശു വികസന മന്ത്രി സ്‌മൃതി ഇറാനി. 2020 മാർച്ച് 1 മുതൽ 2020 ഓഗസ്‌റ്റ് 31വരെയുള്ള കണക്കുകളാണിതെന്ന് രാജ്യസഭയിൽ രേഖാമൂലം നൽകിയ മറുപടിയിൽ മന്ത്രി വ്യക്തമാക്കി.

Also Read: രണ്ടാം വിവാഹത്തിന് സമ്മതിച്ചില്ല; മകനെ കടിച്ചു പരിക്കേൽപ്പിച്ച് പിതാവ്

രാജ്യത്ത് പ്രായപൂർത്തിയാകാത്ത കുട്ടികൾക്കെതിരെയും സ്ത്രീകൾക്ക് എതിരെയും അതിക്രമങ്ങൾ വർധിച്ച് വരുന്ന സാഹചര്യത്തിലാണ് കുട്ടികളെ ലൈംഗികമായി ദുരുപയോഗം ചെയ്‌ത കേസുകൾ സംബന്ധിച്ച വിവരങ്ങൾ സ്‌മൃതി ഇറാനി സഭയിൽ പരസ്യപ്പെടുത്തിയത്.

2020 മാർച്ച് ഒന്ന് മുതൽ 2020 സെപ്റ്റംബർ 15വരെ 3941 ഫോൺ കോളുകളിലൂടെ ചൈൽഡ് ലൈൻ ഇന്ത്യ ഫൗണ്ടേഷന്(സിഐഎഫ്) ലഭിച്ചു. ലൈംഗിക പീഡനം സംബന്ധിച്ച പരാതികളും സംഭവങ്ങളുമാണ് ഇങ്ങനെ രജിസ്‌റ്റർ ചെയ്യപ്പെട്ടത്. 2020 മാർച്ച് 1 മുതൽ 2020 സെപ്റ്റംബർ 18 വരെ കുട്ടികളുമായി ബന്ധപ്പെട്ട് 13,244 പരാതികൾ സ്വീകരിച്ചു. കൂട്ടബലാത്സംഗ പരാതികൾ മുതൽ അശ്ലീലസാഹിത്യങ്ങൾ സംബന്ധിച്ചുള്ള കേസുകളും ഇവയിൽ ഉൾപ്പെടുന്നുണ്ട്. നാഷണൽ ക്രൈം റെക്കോർഡ്‌സ് ബ്യൂറോയാണ് ഈ കണക്ക് തയ്യാറാക്കിയതെന്നും സ്‌മൃതി ഇറാനി വ്യക്തമാക്കി.

രജിസ്‌റ്റർ ചെയ്യപ്പെട്ടതോ ശ്രദ്ധയിൽ പെട്ടതോ ആയ കേസുകൾ മാത്രമാണ് മന്ത്രി പുറത്തുവിട്ടത്. നൂറ് കണക്കിന് സംഭവങ്ങൾ രജിസ്‌റ്റർ ചെയ്യപ്പെടാതെ പോകുന്നുണ്ട്. പ്രായപൂർത്തിയാകാത്ത പെൺകുട്ടികൾക്കെതിരെ രാജ്യത്ത് അതിക്രമം രൂക്ഷമാണ്. കഴിഞ്ഞയാഴ്‌ച രാജ്യതലസ്ഥാനമായ ഡൽഹിയിൽ പ്രായപൂർത്തിയാകാത്ത പെൺകുട്ടി കൂട്ടബലാത്സംഗത്തിന് ഇരയായിരുന്നു. ഡൽഹി മണ്ടോലി ജയിലിനടുത്ത് വെച്ചാണ് പ്രായപൂർത്തിയാകാത്ത പെൺകുട്ടി പീഡനത്തിന് ഇരയായത്.

Also Read: 16 കാരിയെ പീഡിപ്പിച്ച് ഗ‍ര്‍ഭിണിയാക്കി; വളർത്തു പിതാവ് ഉൾപ്പെടെ രണ്ടുപേർ പിടിയിൽ

രാജസ്ഥാനിൽ സ്‌ത്രീയെ കൂട്ട ബലാത്സംഗം ചെയ്‌ത് നഗ്നദൃശ്യങ്ങൾ മൊബൈൽ ഫോണിൽ പകർത്തി സമൂഹമാധ്യമങ്ങളിലൂടെ പ്രചരിപ്പിച്ച സംഭവം ദേശീയ ശ്രദ്ധയാകർഷിച്ചിരുന്നു. രാജസ്ഥാനിലെ അൽവാറിൽ ഈ മാസം 17നാണ് ക്രൂരമായ സംഭവമുണ്ടായത്.

malayalam.samayam.com

കുടുംബ രാഷ്ട്രീയത്തില്‍ പ്രതികരിച്ച് പി ജയരാജൻ

Leave a Reply

Your email address will not be published. Required fields are marked *