missing woman com bak in up: 12 വർഷം മുൻപ് ‘കൊല്ലപ്പെട്ട’ പെൺകുട്ടി മടങ്ങിയെത്തി; കൊലപാതക കേസിൽ തടവിൽ കഴിഞ്ഞ അഞ്ച് പേർക്ക് മോചനം – kanpur woman thought be murdered found alive after 12 years

Share
കാൺപൂർ: 12 വർഷം മുൻപ് കൊല്ലപ്പെട്ടെന്ന് കാരുതിയ സ്‌ത്രീ മടങ്ങിയെത്തി. കാൺപൂരിലെ ജലൂൺ ജില്ലയിലെ കൽപി എന്ന പ്രദേശത്ത് നിന്നാണ് യുവതിയെ കണ്ടെത്തിയത്. ഇവരെ തട്ടിക്കൊണ്ട് പോയി കൊലപ്പെടുത്തിയെന്ന കേസിൽ ഗ്രാമവാസികളായ അഞ്ച് പേർ ജയിൽ ശിക്ഷ അനുഭവിക്കുന്നതിനിടെയാണ് ഇവരെ പോലീസ് കണ്ടെത്തിയത്.

Also Read: മന്ത്രവാദം ആരോപിച്ച് വൃദ്ധദമ്പതികളെ മർദ്ദിച്ച് കൊന്നു; 150ലധികം പേർക്കെതിരെ കേസെടുത്ത് പോലീസ്

മടങ്ങിയെത്തിയ പെൺകുട്ടിയെ 2008ൽ ആണ് കാണാതായത്. 14 വയസുള്ള മകളെ തട്ടിക്കൊണ്ട് പോയതായി ഇവരുടെ അമ്മ കോട്‌വാലി പോലീസ് സ്‌റ്റേഷനിൽ പരാതി നൽകി. പോലീസ് അന്വേഷണം തൃപ്‌തികരമല്ലെന്ന് പെൺകുട്ടിയുടെ അമ്മ വ്യക്തമാക്കിയതോടെ കേസ് സിബിസിഐഡിക്ക് കൈമാറി. അന്വേഷണം തുടരുന്നതിനിടെ കാൺപൂർ ജില്ലയിലെ ഘട്ടാംപൂർ പ്രദേശത്ത് നിന്നും ഒരു പെൺകുട്ടിയുടെ അജ്ഞാത മൃതദേഹം കണ്ടെത്തി.

മകളുടെ മൃതദേഹമാണെന്ന് സ്‌ത്രീ പോലീസിനെ അറിയിച്ചതോടെ ഗ്രാമവാസികളായ ആറ് പേർ കേസിൽ പ്രതികളായി. ഇവർക്കെതിരെ കൊലപാതകം അടക്കമുള്ള കുറ്റങ്ങൾ ചുമത്തി സിബിസിഐഡി കോടതിയിൽ കുറ്റപത്രം സമർപ്പിച്ചു. കോടതി ഇവർക്ക് തടവ് ശിക്ഷ വിധിച്ചു. പ്രതികളിലൊരാൾ 2012 ൽ വിചാരണയ്ക്കിടെ മരിച്ചു.

Also Read: ഗുജറാത്തിൽ പീഡന ശ്രമം എതിർത്ത ഏഴുവയസുകാരിയെ മധ്യവയസ്കൻ കൊലപ്പെടുത്തി

ഇതിനിടെയാണ് മരിച്ചെന്ന് കരുതിയ പെൺകുട്ടി ജീവനോടെയുണ്ടെന്ന് കണ്ടെത്തിയത്. ഇവർ വിവാഹം ചെയ്‌തതായും അന്വേഷണത്തിൽ നിന്ന് മനസിലാക്കി. അലിഗഡിലെ ജലൂൺ ജില്ലയിൽ നിന്ന് കണ്ടെത്തിയ യുവതിയെ യുവതിയെ ഉടൻ കോടതിയിൽ ഹാജരാക്കുമെന്ന് പോലീസ് വ്യക്തമാക്കി. യുവതിയെ ജീവനോടെ കണ്ടെത്തിയ സാഹചര്യത്തിൽ അഞ്ച് പ്രതികൾക്കും എതിരെയുള്ള കൊലപാതകക്കുറ്റം ഒഴിവാക്കുമെന്ന് മുതിർന്ന പോലീസ് ഉദ്യോഗസ്ഥൻ വ്യക്തമാക്കി.

malayalam.samayam.com

തിരഞ്ഞെടുപ്പില്‍ കിടപ്പ് രോഗികള്‍ക്ക് തപാല്‍ വോട്ടിന് അനുമതി

Leave a Reply

Your email address will not be published. Required fields are marked *