jaipur wife murder: വിവാഹേതര ബന്ധം ഉണ്ടെന്ന് സംശയം; ഭാര്യയേയും അമ്മായിയമ്മയേയും കൊലപ്പെടുത്തി – suspicious man murders wife mother in law confesses crime in front of children

Share
ജയ്പൂർ: വിവാഹേതര ബന്ധം ഉണ്ടെന്ന സംശയത്തെത്തുടർന്ന് യുവാവ് ഭാര്യയെ കഴുത്തു മുറിച്ച് കൊലപ്പെടുത്തി. രാജസ്ഥാനിലെ ജയ്പൂരിലാണ് സംഭവം. ഭാര്യയുടെ ബന്ധത്തെ പിന്തുണയ്ക്കുന്നു എന്ന സംശയത്തെത്തുടർന്നാണ് ഭാര്യാ മാതാവിനെ രാംകിഷൻ സെയ്നി എന്ന യുവാവ് കൊലപ്പെടുത്തിയത്. കൊലപാതകത്തിനു ശേഷം മക്കളുമായി പോലീസ് സ്റ്റേഷനിൽ എത്തി പ്രതി കീഴടങ്ങി. മഞ്ജു സെയ്നി, ഗൗര ദേവി എന്നിവരാണ് കൊല്ലപ്പെട്ടത്.

Also Read: പണത്തെ ചൊല്ലി തർക്കം; അടിവയറ്റിൽ തൊഴിച്ച് ക്രൂരത; മാസം തികയാതെ പ്രസവിച്ച് യുവതി

രാംകിഷനുമായി ദാമ്പത്യ പ്രശ്നങ്ങൾ ഉള്ളതിനാൽ ശിവം കോളനിയിൽ മാതാവിനൊപ്പമാണ് മഞ്ജു താമസിച്ചിരുന്നത്. കുടുംബത്തിലെ മറ്റ് അംഗങ്ങൾ ഉറങ്ങുന്നതിനിടയിൽ തിങ്കഴാഴ്ച പുലർച്ചെ ഒരുമണിക്കാണ് പ്രതി കൃത്യം നിർവ്വഹിച്ചത്. കൊലപാതകത്തെത്തുടർന്ന് മക്കളോടൊപ്പം ചക്സു പോലീസ് സ്റ്റേഷനിലെത്തിയ പ്രതി കുറ്റം ഏറ്റുപറഞ്ഞു.

പ്രതിയുടെ മൊഴിപ്രകാരം വീട്ടിൽ എത്തി നടത്തിയ പരിശോധനയിൽ പോലീസ് മൃതദേഹങ്ങൾ കണ്ടെത്തി. ഭാര്യക്ക് മറ്റൊരാളുമായി ബന്ധം ഉണ്ടെന്നാണ് പ്രതി ആരോപിക്കുന്നത്. ഭാര്യക്കും മാതാവിനും തന്നെ കൊല്ലാൻ പദ്ധതി ഉണ്ടായിരുന്നുവെന്നും അതിനാലാണ് താൻ കൃത്യം നടത്തിയതെന്നും പറഞ്ഞു.

Also Read: പോക്സോ കേസ് പ്രതി വാഹനത്തിൽ നിന്ന് ഇറങ്ങി ഓടി, പിന്നാലെ പോലീസും; ഒരു ദിവസത്തിന് ശേഷം പിടിയിൽ

“കൊലപാതകത്തെക്കുറിച്ച് പ്രതിക്ക് കുറ്റബോധമില്ല, ജീവിക്കാൻ വേണ്ടിയാണ് കൊല നടത്തിയത് എന്നാണ് പറയുന്നത്. ഭാര്യക്ക് മറ്റൊരാളുമായുള്ള ബന്ധവും ഭാര്യാ മാതാവ് ബന്ധത്തെ പിന്തുണയ്ക്കുന്നതിലും പ്രതി അസ്വസ്ഥനായിരുന്നു.” പോലീസ് പറഞ്ഞു.

malayalam.samayam.com

അനിൽ അക്കര എംഎൽഎയോട് വിശദീകരണം തേടി എൻഐഎ

Leave a Reply

Your email address will not be published. Required fields are marked *