father in law killed son in law: വെട്ടുകാട് ഭാര്യാപിതാവ് മരുമകനെ കുത്തിക്കൊന്നു – vettucaud father in law stabbed son in law to death

Share
തിരുവനന്തപുരം: കുടുംബവഴക്കിനിടെ യുവാവ് കുത്തേറ്റു മരിച്ചു. വെട്ടുകാട് സ്വദേശി ലിജിന്‍ ലോറന്‍സ് (33) ആണ് മരിച്ചത്. സംഭവവുമായി ബന്ധപ്പെട്ട് ലിജിന്റെ ഭാര്യാപിതാവ് നിക്കോളാസ് ഗോമസിനെ (63) വലിയതുറ പോലീസ് കസ്റ്റഡിയിലെടുത്തു. ഇന്നലെ രാത്രിയാണ് കേസിനാസ്പദമായ സംഭവം നടന്നത്.

Also Read: 2000 രൂപ കൊടുത്താല്‍ കൊവിഡ് നെഗറ്റീവ് സര്‍ട്ടിഫിക്കറ്റ് റെഡി; കേസെടുത്ത് പൊഴിയൂര്‍ പോലീസ്

കുടുംബവഴക്കിനേ തുടര്‍ന്ന് ലിജിന്റെ ഭാര്യയും മക്കളും ഏതാനും മാസങ്ങളായി നിക്കോളാസിന്റെ വീട്ടിലാണ് താമസം. വെള്ളിയാഴ്ച രാത്രി 9 മണിയോടെയാണ് ലിജിനും സുഹൃത്തുക്കളും മക്കളെ കാണണമെന്ന് ആവശ്യപ്പെട്ട് നിക്കോളസിന്റെ വീട്ടിലെത്തിയത്. എന്നാല്‍ ഭാര്യ മക്കളെ കാണിക്കാന്‍ തയ്യാറായില്ല. വീടിനുമുന്നില്‍ നിന്ന് ബഹളം വച്ചതിനെ തുടര്‍ന്ന് വീട്ടില്‍ നിന്നിറങ്ങി വന്ന നിക്കോളാസ് ലിജിനുമായി തര്‍ക്കത്തിലായി. ലിജിന്‍ മദ്യലഹരിയിലായിരുന്നു. തര്‍ക്കം മൂത്ത് കയ്യാങ്കളിയിലെത്തി. ഇതിനിടെ കയ്യില്‍ കരുതിയിരുന്ന കത്തിയെടുത്ത് നിക്കോളാസ് ലിജിനെ കുത്തുകയായിരുന്നു.

Also Read: കരമനയിലെ ദുരൂഹമരണം കൂടത്തായി മോഡലോ? കാര്യസ്ഥന്‍ രവീന്ദ്രനെതിരെ തെളിവുകൾ, നിര്‍ണായക കണ്ടെത്തലുമായി പോലീസ്

ശരീരത്തില്‍ മാരകമായ കുത്തേറ്റ ലിജിന്‍ സംഭവ സ്ഥലത്തു കുഴഞ്ഞു വീഴുകയായിരുന്നു. സമീപവാസികള്‍ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. മൃതദേഹം മെഡിക്കല്‍ കോളേജ് മോര്‍ച്ചറിയിലേയ്ക്ക് മാറ്റി. ഒളിവില്‍ പോകാതെ വീട്ടില്‍ തന്നെ കഴിഞ്ഞ നിക്കോളാസിനെ വലിയതുറ പൊലീസ് കസ്റ്റഡിയിലെടുത്ത് വൈകിട്ടോടെ അറസ്റ്റ് രേഖപ്പെടുത്തി. നിക്കോളാസും ലിജിനും തമ്മില്‍ ഇതിന് മുന്‍പും പലതവണ വഴക്കുണ്ടായിട്ടുണ്ട്. കുടുംബപ്രശ്‌നങ്ങളാണ് പ്രധാന കാരണം. ഇതേത്തുടര്‍ന്നാണ് ലിജിന്റെ ഭാര്യയും മക്കളും നിക്കോളാസിന്റെ വീട്ടിലേക്ക് താമസം മാറ്റിയതെന്ന് പോലീസ് പറഞ്ഞു.

Also Read: കോടികള്‍ വിലമതിക്കുന്ന സ്വത്ത്… എന്നിട്ടും കരാറുകാരനും കുടുംബവും കടത്തിന്‍റെ പേരില്‍ ആത്മഹത്യ ചെയ്തു? സമഗ്ര അന്വേഷണം ആവശ്യപ്പെട്ട് ബന്ധുക്കള്‍ രംഗത്ത്

ഗള്‍ഫിലായിരുന്ന ലിജിന്‍ കൊവിഡ് പ്രതിസന്ധിയെ തുടര്‍ന്ന് 15 ദിവസം മുമ്പാണ് നാട്ടില്‍ എത്തിയത്. ക്വാറന്റീന്‍ കാലാവധി കഴിഞ്ഞ തൊട്ടടുത്ത ദിവസമാണ് കൊലപാതകം നടന്നത്. ലിജിന് മൂന്നും രണ്ടും വയസ്സുള്ള പെണ്‍കുട്ടികളാണ് ഉള്ളത്.സംഭവത്തില്‍ വിശദമായ അന്വേഷണം നടത്തുമെന്ന് വലിയതുറ പോലീസ് ഇന്‍സ്‌പെക്ടര്‍ ബിനേഷ് കുമാര്‍ പറഞ്ഞു. പ്രതിയെ ഇന്ന് കോടതിയില്‍ ഹാജരാക്കും.

തിരുവനന്തപുരം ജില്ലയിൽ നിന്നുള്ള ഏറ്റവുംപുതിയ നാട്ടുവാർത്തകൾക്കായ ഫേസ്ബുക്ക് പേജ് ഫോളോ ചെയ്യൂ

തിരുവനന്തപുരം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ

malayalam.samayam.com

മുര്‍ഷിദ് തീവ്രവാദിയാണെന്ന് അറിഞ്ഞിരുന്നില്ല; ഞെട്ടല്‍ മാറാതെ പാതാളത്തെ പ്രദേശവാസികള്‍, നാട്ടുകാര്‍ പറയുന്നത് ഇങ്ങനെ…

Leave a Reply

Your email address will not be published. Required fields are marked *