Bengaluru Teenager: 18 മാസം പ്രായമുള്ള കുട്ടിയെ പീഡിപ്പിച്ചു; 15 കാരൻ പിടിയിൽ – bengaluru teenager lures 18 month old girl on pretext of playing a game sexually assaults her

Share
ബെംഗളുരു: പതിനെട്ട് മാസം പ്രായമുള്ള കുഞ്ഞിനെ 15 കാരൻ ലൈംഗിക പീഡനത്തിനിരയാക്കി. ബെംഗളുരുവിലെ കഗ്ലിപുരയിൽ സെപ്റ്റംബർ 17 നാണ് സംഭവം. പീഡനത്തിൽ കുഞ്ഞിന് പരിക്കു പറ്റിയതായാണ് ‘ദ ന്യൂസ് മിനിറ്റ്സ്’ റിപ്പോർട്ട് ചെയ്തിരിക്കുന്നത്. പെൺകുഞ്ഞിന്റെ പുരികത്തിന് പരിക്കേറ്റതിനെത്തുടർന്ന് ആശുപത്രിയിൽ എത്തിച്ചപ്പോഴാണ് പീഡന വിവരം പുറത്താകുന്നത്.

Also Read: ‘420 കുട്ടികൾ പീഡിപ്പിക്കപ്പെട്ടു, ലഭിച്ചത് 13,244 പരാതികൾ’; കഴിഞ്ഞ 6 മാസത്തെ കണക്കുകൾ പുറത്തുവിട്ട് സ്‌മൃതി ഇറാനി

ക്ഷേത്ര പരിസരത്ത് കളിക്കുമ്പോൾ തന്നെ ഒരാൾ ആക്രമിച്ചതായി കുഞ്ഞ് മാതാവിനോട് പറഞ്ഞു. സംഭവ ദിവസം കഗ്ലിപുരയിലെ ക്ഷേത്രത്തിനു പുറത്ത് ജോലി ചെയ്യുകയായിരുന്നു കുഞ്ഞിന്റെ മാതാപിതാക്കൾ. കുഞ്ഞ് ക്ഷേത്ര പരിസരത്ത് കളിക്കുകയായിരുന്നു. കുഞ്ഞിന്റെ അടുത്തെത്തിയ 15 കാരൻ കളിക്കാനെന്ന വ്യാജേന കുഞ്ഞിനെ സമീപിച്ചു. തുടർന്ന് ആളൊഴിഞ്ഞ സ്ഥലത്തേക്ക് കുഞ്ഞുമായി പോയി. സംഭവ സ്ഥലത്തിനു സമീപത്തുകൂടി പോയ അയൽവാസി 15 കാരനെ കാണുകയും ചോദ്യം ചെയ്യുകയും ചെയ്തു. താൻ അതുവഴി പോകുമ്പോൾ കുഞ്ഞ് വീണതായി ശ്രദ്ധയിൽപ്പെട്ടെന്നും കുഞ്ഞിനെ സഹായിക്കുകയായിരുന്നുവെന്നും 15 കാരൻ പറഞ്ഞു. തുട‍ര്‍ന്ന് കുട്ടിയെ വീട്ടിൽ എത്തിക്കുകയും ആശുപത്രിയിലേക്ക് കൊണ്ടുപോകുകയുമായിരുന്നു.

Also Read: രണ്ടാം വിവാഹത്തിന് സമ്മതിച്ചില്ല; മകനെ കടിച്ചു പരിക്കേൽപ്പിച്ച് പിതാവ്

ആദ്യം കഗ്ലിപുരയിലെ സ‍ര്‍ക്കാ‍ര്‍ ആശുപത്രിയിൽ പ്രവേശിപ്പിച്ച കുഞ്ഞിനെ പിന്നീട് ഇന്ദിരാഗാന്ധി ആശുപത്രിയിൽ പ്രവേശിപ്പിച്ചു. തുട‍ര്‍ന്ന് വാണി വിലാസ് ആശുപത്രിയിലേക്ക് മാറ്റി. ഡോക്ട‍ര്‍മാ‍ര്‍ നടത്തിയ പരിശോധനയിലാണ് കുഞ്ഞ് പീഡിപ്പിക്കപ്പെട്ടതായി കണ്ടെത്തിയത്. ആശുപത്രി അധികൃത‍ര്‍ നൽകിയ വിവരത്തിന്റെ അടിസ്ഥാനത്തിൽ പോലീസ് 15 കാരനെ കസ്റ്റഡിയിലെടുത്തു. കുഞ്ഞ് ലൈംഗിക പീഡനത്തിന് ഇരയായതിന്റെ അടയാളങ്ങൾ ശരീരത്തിൽ ഉണ്ടെന്ന് പോലീസ് പറഞ്ഞു. സംഭവത്തിൽ 15 കാരനെതിരെ പോക്സോ വകുപ്പുകൾ പ്രകാരം കേസെടുത്തു.

malayalam.samayam.com

ചൊവ്വാഴ്ചത്തെ പ്രധാന വാർത്തകൾ ചുരുക്കത്തിൽ

Leave a Reply

Your email address will not be published. Required fields are marked *